Go rarolla Boithomelo
SENTHARA YA BOITHOMELO YA TIRELO YA SETŠHABA (CPSI)
DIFOKA TŠA NGWAGA KA NGWAGA TŠA BOITHOMELO TŠA LEFAPHA LA SETŠHABA
TSHEDIMOŠOKAKARETŠO
Maikemišetšo
CPSI e tsebiša Difoka tša bone tša ngwaga ka ngwaga tša Boithomelo tša Lefapha la Setšhaba tša CPSI. Maikemišetšo a difoka ke go hlabolla le go hlohleletša mošomo o kaone mo boithomelong bja lefapa le kabong ya ditirelo. Difoka di dumelela diprojeke tša go atlega le tše di kgontšhago le merero ye e fihleletšwego ka tirišo ya mekgwa ya boithomelo, mehuta le didirišwa..
CPSI e nyaka go keteka dikatlego tša batho, tša dihlopha le tša dikgoro ka maiteko a pušo ye e kgontšhago kudu, ya go kgona gape ye e nago le maikarabelo kudu. CPSI ke morero wa Tona ya Ditirelo tša Mmušo le Taolo, wo o hlamilwego go laetša go thekga le go hlokomela boithomelo ditirelong tša setšhaba, ka maikemišetšo a go kaonafatša kabo ya ya ditirelo.
Difoka di fana ka dibaka tša kabelano ya tshedimošo, thuto ya maitemogelo, ditirišano le tlhagišo ya dikgato tše di atlegilego.
Maswanedi
Tšatši la bofelo la dithomelo ke 29 Setemere, 2006.
Projeke e swanetše go hlolega mo Afrika Borwa goba e be e tšweleditšwe gabotse mo Afrika Borwa.
Diprojeke di swanetše go tšwela Maafrika Borwa mohola thwii.
Difoka di buletšwe mafapha a mmušo (makala ka moka a 3 ) le tshwaragano magareng ga mekgatlo ya setšhaba, ya praebete le /goba baagi goba ya baagi.
Projeke e swanetše go šoma go mmušo (mafapheng a bosetšhaba le a diprofense goba mo bommasepaleng ba selegae).
Projeke e swanetše go ba e bile gona mengwaga e 2 goba go feta.
Magoro
Difoka di tla be di hladišwa ka magoro a a latelago:
Tirišano ya Boithomelo kabong ya ditirelo
Tirišo ya Boithomelo ya Theknolotši ya Tshedimošo (IT) malebana le kabo ya ditirelo ye e kgontšhago
Ditheo/diinstitušene tša boithomelo tša kabo ya ditirelo (mohl. dikolo, maokelo, dikliniki)
Dikaonafatšo tša boithomelo mo dipeakanyong tša ka gare ka mmušong
Diprojeke tša boithomelo tša kabo ya ditirelo tšeo di amago mmušo wa Afrika Borwa ka tirišano le mmušo wo mongwe wa SADC.
Dintlha tša kgetho
Maithomelo:
Kakanyo ya Maithomelo goba kgopolo ye e phathagaditšwego ka katlego. Se se ra mokgwa o o sa kego wa dirišwa pele mo kamangong ye itšego.
Ya Maithomelo ka gore ke ya "mathomo" mo Afrika Borwa goba boditšhabatšhaba.
Khuetšo:
Go laetša dikaonafatšo tša kgonthe mabapi le boleng bja ditirelo tše di abetšwego dihlopha tša tšona tše di lebilwego; le go kgona go laetša dikgato tša kgotsofalo ya badirelwa malebana le ditirelo.
E laeditše khuetšo ye bohlokwa, e ka ba ka go thoma mokgatlo, goba mo lefapheng, goba magareng ga setšhaba ka kakaretšo.
E na le khuetšo ye bohlokwa ya go ba le mohola ka Afrika Borwa.
Go phela go ya go ile
E bile tirišong mengwaga ye mebedi mo lefapheng la setšhaba.
E laeditše bokgoni bja yona bja phethagatšo, e bile go swanetše go ba le maatla a kgolo phethagatšong.
E laeditše go phela go ya go ile ga yona, k.g.r. Bokgoni bja yona bja go kgotlelela le go tšwela pele bokamosong (ikonoming le ntlheng ye nngwe ya maleba). Khuetšo leagong, ikonoming le tikologong ya boithomelo morerong wa ka ntle e swanetše go ba ye e dirang gore go phelago ya go ile gwa lefase ka moka go a thekgwa le go tšwetšwapele.
Dikholego tša go Tsenela Difoka tša Maithomelo tša Lefapha la Setšhaba la CPSI
Tlhahlo malebana le tshepedišo ya Maithomelo go baphadišani ka moka ba makgaolakgang ya boleng jo bokana ka R20 000 (diranta tše dikete tše masomepedi).
Moithomedi wa ngwaga o amogela 30 000 (diranta tše dikete tše masometharo) mabapi le leeto la thuto la boditšhabatšfhaba / la bosetšhaba.
Baphadišani ka moka ba makgaolakgang ba amogela setifikeiti gomme bafenyi ba amogela sefoka.
Baphadišani ka moka ba makgaolakgang ba na le monyetla wa go tsenela Lenaneo la Tlhabollo la Khuduthamaga la Taolo ya Maithomelo.
Batho ka moka ba ba fihlilego go makgaolakgang gammogo le bafenyi ba ile go laletšwa go tsenela moletlo wa difoka le balekane ba bona. Ditshenyegelo tša bodulo le tša leeto ke tša CPSI.
Go tsenela ka go itaola difoka tša maemo tše pedi tša boditšhabatšhaba e lego tša CAPAM le tša UN.
Kwalakwatšo: Baphadišani ka moka ba makgaolakgang gammogo le bafenyi ba ka holofelwa go dira dipoledišano ka ga diprojeke tša bona ka fase ga BATHO PELE ya mmušo le kgodišo ya kabo ya ditirelo.
Ditlhahli tša Thomelo le Melao
Dithomelo di swanetše go ba ka Seisimane.
Foromo ya thomelo e swanetše go tlatšwa gabotse le go ba le tshedimošo le dintlha ka botlalo.
Dithomelo tša go ngwalwa ka seatla ga di hlohleletšwe, mabakeng ao go sa efogego, hle nwala gabotse.
Ke dithomelo fela tša go romelwa ka emeile, tša go poswa le tše di tlišitšwego ka seatla tšeo di tlago amogelwa. Diforomo tša thomelo tša go romelwa ka fekse di ka se amogelwe.
Ga go hlokagale ditlakelo tša go thekga goba ditokomane mo kgatong ya kgopelo. Baahlodi ba ka di hloka mo kgatong ya netefatšo.
Dimpho ga di a swanelwa go fetišwa.
Baahlodi le batswalle bona ga ba swanela go tsenela dipoledišano ka ga dithomelo.
Tshedimošo ye e filwego mo foromong ya thomelo le nakong tša tshepedišo ya netefatšo e tlama semolao.
CPSI e ka se rwale maikarabelo a ditshenyegelo tša thomelo go akaretša le tša merero ya poso.
Thulaganyo ya Kahlolo
Dithomelo di ile go ahlolwa ke phanele ya baahlodi bao ba šišintšwego.
Sephetho sa baahlodi ke sa ruri gomme gago ngongorego ye e tlago letelwa.
Ge go hlokega, balaodi ba diprojeke ba tla kgokaganywa mabapi le tshepedišo ya netefatšo yeo e ka dirwago ka emeile, ka mogala, ka poledišano ya sebele le /goba ka ketelo ya lefelo.
Baahlodi ba ba le tokelo ya go iša thomelo legorong leo ba bonago le le maleba.
Tshepedišo
Dithomelo ka moka di tlile go amogelwa gomme tša abelwa nomorotshupetšo ya CPSI.
Mabapi le go tsenela tlatša foromo ya thomelo ye e kgomareditšwego gomme o e romele go CPSI ka emeile, ka poso goba o ka e romela ka seatla go:
Senthara ya Boithomelo ya Ditirelo ya Setšhaba (CPSI),
Mogala: 012 672 2867
FOROMO YA THOMELO
E ŠOMIŠETŠWA OFISI FELA
KABO YA LEGORO: ...
KAROLO 1
Leina la Mokgatlo / motsenedi: ...
Mohuta wa mokgatlo: ...
Leina la projeke yeo e tsenelwago: ...
Karolo ya sefoka seo projeke e e tsenelago:(Swaya e tee fela)
Tirišano ya Boithomelo kabong ya ditirelo
Tirišo ya Boithomelo ya Theknolotši ya Tshedimošo (IT) malebana le kabo ya ditirelo ye e kgontšhago
Ditheo/diinstitušene tša boithomelo tša kabo ya ditirelo (mohl. dikolo, maokelo, dikliniki)
Dikaonafatšo tša boithomelo mo dipeakanyong tša ka gare ka mmušong
Diprojeke tša boithomelo tša kabo ya ditirelo tšeo di amago mmušo wa Afrika Borwa ka tirišano le mmušo wo mongwe wa SADC.
Profense: (fao projeke e lego gona)
Gauteng
Kapa Bodikela
Kapa Bohlabela
Kapa Leboa
Leboa Bodikela
Tše dingwe (hlaloša hle) ...
Maemo
Bosetšhaba
Profense
Selegae
A mangwe (hlaloša hle) ...
KAROLO 2.
Leina la motho yoo go ka ikgokaganywago le yena: ...
Kgoro : ...
Atrese ya poso: ...
Atrese ya bodulo: ...
Mogala: ...
Fekse: ...
Sele: ...
KAROLO 3
Maina a Bathomi ba Projeke:
Maina a badirišani ba projeke?
Kakaretšo ya Projeke: Goreng projeke e ile ya thongwa? Projeke e na le mengwaga e mekae e šoma? Projeke e ikemišeditše go fihlelela? Projeke e rarolla mathata afe? E na le boithomelo bofe goba e boithomelo bjang? (Maksimamo ya mantšu a 500).
Dikatlego: Dintlha tše bohlokwa / dikatlego tša projeke ke dife? (Maksimamo ya mantšu a 500)
Go phela go ya go ile le go itšwetšapele: Projeke ye e phela bjang go ya go ile le go išwetšapele ka boyona? Hlaloša gore maithomelo a gago a ka ba bjang goba/ a ka išwetšapele bjang ka bo wona go gongwe, kae le gore ka mang? Efa bohlatse bja tshepedišo /diprojeke tša go phela go ya go ile le boitšwetšopele. (Maksimamo ya mantšu a 500).
Ditlhohlo le dithuto: Ke ditlhohlo dife tšeo projeke e lebanego le tšona? Ke dithuto dife tše bohlokwa tšeo di ka abelanwago le ba bangwe ? (Maksimamo ya mantšu a 500).
Hle hlaloša le go laetša ka fao projeke ya gago e fihlelelago maemo a Difoka malebana le karolo yeo o e tsenelago. (Maksimamo ya mantšu a 200).
Na projeke e ile ya amogela thekgo ya ditšhelete/tšhelete/ thekgo gomme ke eng boleng bja dikhwama? Bolela ditšhelete le bathekgi ba ditšhelete.
Ge projeke e ka thopa, tšhelete e tla dirišetšwa eng?
Ke mananeo afe a mangwe a difoka ao projeke e a tsenetšego?
Na projeke e ikle ya tsenela difoka tša CPSI peleng? Ge e ele gore ee, ka ngwaga ofe?
Aowa Ee 2003 2004 2005
O kwele bjang ka difoka tše?
Modirišani
Kuranta / makasine
Radio
Kgoro
Tše dingwe(hlaloša) ...
Hle efa Kakaretšo ya projeke (mantšu a100) ( ka mokgwa woo o ratago gore e tšwelele ka go phatlalatšo ya makgaolakgang le ditsopolwa tša moletlo)
Tiišetšo ya projeke.
Nna, ... (Sefane le thaetlele) ke dumela gore tshedimošo yeo e fanwego mo tokumenteng ye ke ye e nepagetšego gomme e dumeletšwe ke ... (Maina ka botlalo & thaetlele).
TSHAENO YA MOKGOPEDI/BAKGOPEDI
Nna /rena re dumela go obamela melao ya Difoka tša Boithomelo tša Makala a Mmušo tša CPSI.
Maina 0ka botlalo: ...
Tshaeno: ...
Tšatšikgwedi: ...
MALEBO
